එඩිෂම් බංගලාව

ලංකාවේ තිබෙන සුන්දරතම හා නැරඹිය යුතුම ස්ථානයක් ලෙස  හපුතලේ නගරයට කි.මී 2 ක් නුදුරින් පිහිටා ඇති එඩිෂම් බංගලාව සැලකිය හැක. 1931 බ්‍රිතාන්‍ය පාලන සමයේ මෙය නිර්මාණය වී තිබේ. මෙහි නිර්මාතෘ වරයා වන්නේ 1969 උපත ලැබු බ්‍රිතාන්‍ය ජාතික තෝමස් ලෙස්ටර් විලර්ස් මහතාය. මෙයට එඩිෂම් යන නාමය ලැබුනේ  විලර්ස් මහතාගේ උපන් ග්‍රාමය වන එඩිෂම් යන ග්‍රාමයෙනි.

 විලර්ස් මහතා 1887 දී අනවසරයෙන් ලංකාවට පැමිණියේ ය. එකල ඔහු අත තිබුයේ පවුම් 10ක් පමණි. මුල් කාලයේ ඔහු වැවිලි කරුවකු ලෙස පුහුණව ලබා පසුව වතු හිමිකරුවකු විය. ඔහු ජෝර්ජ් ස්ටුවර්ට් ආයතනයේ සභාපති තුමාද විය. සභාපති ව සිටිනා කාලයේ ඔහු මෙම බංගලාව සාදන ලදී. එහිදී ගොඩැනැගිලි සාදන උපාංග ඔහු එංගලන්තයෙන්ම ගෙන්වන ලදී.

සර් තෝමස් විලර්ස් 

මෙම ගොඩනැගිල්ල ටියුඩර් හා ජැකොබියන්ස් වංශයේ ගොඩනැගිලිවල ආභාශය ලැබී ඇත.1921 දී මුල් ගල් තැබු මෙහි වැඩ අවසන් වූයේ 1931දීය. මෙහි ගෘහ නිර්මාණ ශිල්පීන් වූයේ ආර් රූට් හා එෆ් වෙබ්ස්ටර් ය. නිදන කාමර සදලු තල, පුස්තකාල ආදී පහසුකම් හා ගිනි උදන් ආදියෙන් මෙය සමන්චිත වේ. මෙහි සුලං වායු ටර්බයිනයකින් සමන්චිත වේ.

එය අද ශන්ත බෙනඩික් පුජකයන්ට අයිතිව ඇත. ඔවුන් අද එය  ශන්ත බෙනඩික් තාපසාරාමයක් ලෙස පවත්වාගෙන යයි. එහි පල්ලියෙහි ශාන්ත සිල්වෙස්ටර් තුමාගේ භෂ්මාවශේෂ තැන්පත් කර ඇත. මෙහි ඉඩම අක්කර 10කි(වර්ග මීටර 40, 000කී). එහි තට්ටු දෙකක් පැවතියද ජනතාවට නැරඹිය හැක්කේ යට තට්ටුව පමණි. අද එහි නරඔන්නන්ට එඩිෂම් නාමයේ ආහාර නිෂ්පාදන(ජෑම්, කෝඩියල්, චට්නී හා පාන වර්ග) මිලදී ගත හැක. මෙහි ඇද ඇති විලර්ස් මහතා සිතුවම ඩේවිඩ් පේන්ටර් කලාකරුවාගේ සිතුවමක් වන අතර එහි විශේෂත්වය වන්නේ ඕනෑම කෝණයකින් බැලුවත් එතුමා තමා දෙස බලන්නාක් මෙන් දිස්වීමයි.

ඔබට මෙය ගැන වඩා පුලුල් විස්තරයක් ලබාගැනීමට පහත ලින්කුවට යන්න.

http://www.adisham.org/about-us/

Gmail එකවුන්ට් එකක් සාදමු.

Gmail යනු Google සමාගම විසින් තමන් පරිශීලකයන්ට නොමිලේ ලබා දෙන වෙබ් පාදක සේවාවකි. අනේකුත් mail සැපයුම්කරුවන් අතරින් වැඩි සේවාවන් සංඛ්‍යාවක් මෙම Google සමාගම ලබාදේ. මෙහි උපරිම inbox ධාරිතාව 15GBකි. මෙය  ඇමරිකානු ක්‍රමලේඛක Paul Buchheit විසින් නිර්මාණය කරන ලද්දකි. අද ලෝකයේ වැඩි ජන සංඛ්‍යාවක් භාවිතා කරන mail සේවාව මෙයම වේ.

Paul Buchheit

mail එකවුන්ට් එකක් අන්තර්ජාලයේ සැරිසර සැමට අවශ්‍ය වන හින්දා අපි හිතුවා මෙම ලිපියෙන් එය කරන විදීය සරලව ගෙන හැර දැක්වීමට.

1. පළමුව www.gmail.com වෙත යන්න.
2. create account යන්න ක්ලික් කරන්න.

3. ඊළගට එන ෆෝරමයේ තමන්ගේ විස්තර ඇතුල් කරන්න.(මුරපදය ශක්තිමත් හා අමතක නොවන එකක් දමන්න)

4. I agree to Google terms of service and privacy policy ඉදිරියේ ඇති check box එක ක්ලික් කොට Next step ක්ලික් කරන්න.

5. ඊළග එන්නේ Recovery option සැකසීමයි. මෙම mail එකවුන්ට් එකේ මුරපදය අමතක වුවහොත් හෝ කෙනෙකුන් විසන් සොර ගතහොත් කළයුතු දේවල් මෙහිදි සැකසිය යුතුයි.පසුව Done යන්න ක්ලික් කරන්න.

6. පසුව Google welcome page එක දිස්වේ. දැන් ඔබට ඔබටම කියා mail එකවුන්ට් එකක්  සාදාගත හැක.

ඔබට මේ සම්බන්ධව අදහස් පවති නම් කමෙන්ටුවක් දමා දිරිමත් කිරීමක් ලබා දෙන්න.

මා කියැවු පොත් පත්(1)

මේ මගේ පළමු පෝස්ට් එකයි. අපි පොතක් ගන්න යන කොට එහි ගුණාත්මක බව, අවශ්‍ය කරුණු හා අදාළත්වය පොත මතුපිටින් බලා තීරණය කිරීම තරමක් අස‍ීරුයි. මගේ මේ පොස්ට් අරමුණම වෙන්නේ මා කියැවූ පොත් අතරින් හොදම පොත් මොනවාදැයි කියා ඔබව දැනුවත් කිරීමයි.
මෙහි පළමු ළිපිය ඉංග්‍රීසි ව්‍යාකරනය සදහා වන පොත් පත් සදහා යොදා ගතිමී.

1. ඉංගීසියට පදනම

සැමට ඉංග්‍රීසි අවශ්‍යයි. ඔබ එහි ආඩුනිකයෙක් නම් ඔබ කියැවිය යුතු පළමු පොත වන්නේ මෙම ඉංගීසියට පදනම පොතයි. මෙය සංසන්දනාත්මක ක්‍රමය මගින් ඉගැන්වීම සිදුකරයි. පිටු 330 ක්  හා පාඩම් ඒකක 32 එහි අඩංගු වී තිබෙනවා. එමෙන්ම එය ඉතා සරල සිංහල බසින් ලියැවී තිබෙනවා. පිටපත් 215 000 කට වඩා විකිණී ඇති ජනප්‍රිය පොතක් ලෙස මෙය හදුන් වා දිය හැක. මෙය ආචාර්ය ඇන්ටනි ප්‍රනන්දු ගේ කෘතියකි. මෙහි මිල රුපියල 550කි(කාලයත් සමග මිල වෙනස් විය හැක).

2. Steps to Mastery English Grammar

ඉංග්‍රීසිය ගැන සුලු දැනුමක් ඇති අයෙකුට වඩා හොදින් තම ව්‍යාකරණ හැකියාව වර්ධන කි‍රීමට සුදුසු පොතකි.පාඩම් ඒකක 42 අඩංගු අතර අභ්‍යාස කොටස් 120ක් අඩංගු වේ. පිටු 312කි. මිල රුපියල් 430කි(කාලයත් සමග මිල වෙනස් විය හැක.). මෙය බර්ට්‍ර්ම් චීන්නයියා මහතාගේ කෘතියකි. අභ්‍යාස තුලින් ඉංග්‍රීසි උගෙන ගන්නා අයට උචිත පොතකි.

3. Essential Grammar in Use

 ඔබ  ආඩුනිකයෙක් නම් මෙයද කියැවිය යුතු පොතකි. මෙය ලොව පුරා ජනප්‍රීය පෙතකි. පිටු 319 ක්  හා පාඩම් ඒකක 115 එහි අඩංගු වී තිබෙනවා. එමෙන්ම එය ඉතා සරල ඉංග්‍රීසි බසින් ලියැවී තිබෙනවා.මෙය ඉග්‍රීසියෙන් ම ලියැවී තිබුනමත් අර්ථය වඩා හොදින් තේරුම් ගැනීමට එහි රූප සටහන් ද අඩංගු වේ. මේ කෘතිය සමග අභ්‍යාස අඩංගු සීඩි තැටියක් අඩංගු වේ. මෙය රේමන්ඩ් මර්ෆි ගේ කෘතියකි. මෙහි මිල රුපියල් 1100කි(කාලයත් සමග මිල වෙනස් විය හැක.). මීට අමතරව ඔහු ඉංග්‍රීසියේ මට්ටම් අනුව තවත් පොත් හා Apps නිර්මාණය කර තිබේ. තවද මෙය Cambridge University Press අනුමත මුද්‍රණයක් වීම මෙහි වටිනා කම ඉහල නැංවීමට හේතුවක් වේ.

4. ඉංගීසි ව්‍යාකරණ සිංහලයෙන්

‍මෙය ඉංග්‍රීසි උගන්නා භික්ෂුන්ට හා ඉංග්‍රීසිය තරමක් දත් සිසුන්ට උචිත පොතකි.ඇතැම් අවස්ථා වලදී මෙහි ඇති සිංහල කථනයට අදාළ නොවු ලියන සිංහලයට අදාළා වේ. මෙය මෙය ව්‍යාකරණය අක්ෂර මාලාවේ සිට ලිපි හා ඡේද ලිවීම දක්වා දීර්ඝකර තිබේ. එමෙන්ම ව්‍යාකරණයේ අවස්ථා ගැඹුරින් මෙහි විස්තර වීම ඔබේ දැනුම ඉහළ නැංවීම තවත් හේතුවේ.  මෙය පූජ්‍ය බලන්ගොඩ හිමියන් ගේ කෘතියකි. පිටු 427 ක් හා පාඩම් එ්කක 25කි. මෙහි මිල රුපියල් 680 යි.(කාලයත් සමග මිල වෙනස් විය හැක.) මීට අමතරව කථනය සදහා ඉංග්‍රීසි කථනයට අත් පොතක් යන කෘතියද එළිදක්වා තිබේ.

5. English Grammar and Exercises 1,2,3, and 4

කුඩා දරුවන්ට හා සිසුන්ට ඉංගිසි උගන ගත හැකි  පොත් සැලකිය හැක. මෙය කුඩා අත්පොත් 4ක් වේ. කරුණු ඉතා කෙටියෙන් හා සරල වමෙහි අඩංගු වේ. මෙය චැප්මන් මහතාගේ කෘතියකි.

6. Practical English

මෙය ඉංග්‍රීසියේ ප්‍රයෝගිකව භාවිතයන් විස්තර කෙරෙන කෘතියෙකි. මෙය සරල ඉංග්‍රීසයෙන් ලියවී තිබීම කරුණු වඩා හොදින් දාරණය ට උපකාරී වේ.මෙහි පාඩම් ඒකක කොටස් 22ක් හා පිටු 331ක් අඩංගු වේ. ඉංගිසී තරමක් දන්නා අයට උචිත පොතකි. ඡේද, ලිපි හා රචනා ලීවීම ආදීය ගැන මෙහි අඩංගු වේ. මෙහි මිල රුපියල් 650කි(කාලයත් සමග මිල වෙනස් විය හැක.).  මෙය WH සමරනායනක මහතා ගේ කෘතියකි. එතුමාගේ කෘති අතර English with a smile කෘති පාසල් යන ළමුන්ට(6 වසර සිට උපෙළ දක්වා) ඉංග්‍රීසි ඉගෙන ගැනීමට උපකාරී වේ.

ඔබට තවත් මෙවැනි පොත් ගැන හෝ මේ පෝස්ට් එක ගැන අදහස් තිබේ නම් මෙහි කමෙන්ටුවක් දමන්න.